Neymar më i shtrenjti në botë, në listë edhe dy shqiptarë
Neymar është futbollisti më i shtrenjtë në Botë, duke lënë pas Messi, Ronaldo apo Pogba. Në këtë përfundim arrin një studim i fundit i Observatorit Ndërkombëtar të Futbollit. Vlera e brazilianit, sipas këtij studimi, fiksohet në 246.8 milionë euro.
Për të arritur në këtë vlerë, studimi bazohet në një algoritëm të veçantë, ku vlerësohen indikatorë të ndryshëm të futbollistit, si; mosha, minutat e luajtura, kontrata, golat, etj. Në vend të shtatë, në mënyrë të çuditshme renditet Cristiano Ronaldo.
Pas Neymar ndërkohë, në vend të dytë pozicionohet Messi, i cili vlen 170.5 milionë euro, dhe ndiqet nga Paul Pogba me 155.3 milionë euro. Dybala, dele Alli dhe Eden Hazard mbyllin dhjetëshen e parë.
Studimi përfshin 100 emra futbollistët, të cilët janë dhe më të shtrenjtët. Në listën me 100 persona, figurojnë edhe dy shqiptarë; Shkodran Mustafi, i cili është futbollisti i 40-të më i shtrenjtë në Botë, dhe vlen plot 60 milionë euro, si dhe Granit Xhaka, në vendin e 63-të e që vlen 46 milionë euro.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.