Nga 1 Janari, Kosova ndalon importin e automjeteve më të vjetra se 10 vjet
Duke filluar nga 1 Janari i vitit 2018, do të hyjë në fuqi ligji i cili ndalon importin e të gjitha automjeteve më të vjetra se 10 vjet.
Kjo u vendos gjatë debatit të të mërkurës në Komisionin për Zhvillim Ekonomik, Infrastrukturë, Tregti dhe Industri. Sipas kryetarit të komisionit, Muhamet Mustafa, ky vendim do të ketë një impakt pozitiv në mjedis, ndërsa dha dhe arsye shtesë për domosdoshmërinë e këtij ndalimi.
“Ky Ligj hyn në fuqi prej 1 janarit 2018 sepse këto mjete janë duke rritur numrin e aksidenteve. Dogana, akciza dhe TVSh-ja nga automjetet e përdorura është shumë e rëndësishme për buxhetin e Kosovës. Vendimi që ndalon importin e veturave më të vjetra se dhjetë vjet do të ketë efekte pozitive në mjedis sepse ky ka qenë motivi ynë, mirëpo edhe do të reduktojë të hyrat buxhetore”, u shpreh Mustafa.
Krahas këtyre automjeteve, edhe ato vetura të cilat nuk janë në standardin Euro 4 të ndotjes do të ndalohen të importohen.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.