Nga 1 nëntori nisin kontrollet nga zyra – DPT: Ja cilët tatimpagues do të jenë ‘nën vëzhgim’
Drejtoria e Përgjithshme e Tatimeve, miratoi rregullat e analizës së riskut për identifikimin e tatimpaguesve të cilët do të kontrollohen nga zyra, në mbledhjen e 19-të të Komitetit të Përmbushjes.
Ky është një proces monitorues, verifikues dhe vlerësues që bëhet nga Administrata Tatimore për ata tatimpagues, të cilët kanë paqartësi apo pasaktësi në deklarimet e tyre.
Përveç të tjerëve kontrolleve do t’i nënshtrohen edhe tatimpaguesit që janë importues në dogana, por rezultojnë pasivë në tatime; subjektet që blejnë tek bizneset me status pasiv, me kërkesë për çregjistrim dhe të çregjistruar, si dhe ata që figurojnë me mos deklarim të saktë të shitjeve. Administrata Tatimore nxit tatimpaguesit të rrisin nivelin e pajtueshmërisë tatimore, si rruga më e mirë për të krijuar një partneritet të bazuar mbi besimin reciprok.
Kontrollet nga zyra do të nisin në datë 1 nëntor 2018.
e.t /SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.