Nga 1 prilli pensionet rriten me 2.3%. Ministrja Denaj bën njoftimin: “Pagesa minimale do të jetë 16 219 lekë, kategoritë e favorizuara”
Ashtu siç kishte paralajmëruar në mbledhjen e fundit qeveritare, ministrja e Financave dhe Ekonomisë, Anila Denaj ka bërë të ditur se në muajin prill do të filloj indeksimi I pensioneve për 669 500 qytetarë.
Indeksimi ose rritja e tyre do të jetë në masën 2.3%, duke alokuar në këtë mënyrë 2.1 miliardë lekë nga Buxheti I Shtetit.
E ardhura minimale nga pensioni, sipas z.Denaj do të jetë në shumën 16 219 lekë/ në muaj ndërsa maksimalja në vlerën 28 639 lekë/ në muaj, ndërsa gjithashtu ky indeksim do të ketë edhe dy kategori të favorizuara si 12 mijë nëna të vetëpunësuara në sektorin bujqësor dhe pensionistët e ardhshëm.
Njoftimi i plotë:
Indeksimi i pensioneve në masën 2.3% bëhet realitet për cdo pensionist nga pensioni i muajit Prill
Nga ky vendim i Qeverisë Shqiptare:
- Akordohen 2.1 Miliard lekë për pensionistët.
- Përfitojnë 669 500 qyterarë, që marrin pension të çdo kategorie nga shteti shqiptar.
- E ardhura minimale nga pensioni bëhet 16 219 lekë në muaj.
- E ardhura maksimale nga pensioni bëhet 28 639 lekë në muaj.
Ky indeksim favorizon edhe:
- 12 mijë nëna të vetpunësuara në sektorin bujqësor
- 14 mijë përfitues të ardhshëm të pensioneve.
Pavarësisht situatës me Pandeminë 🔴COVID19, Qeveria mbetet e angazhuar të bëjë realitet cdo masë për të mbuluar nevojat ekonomike të pensionistëve, prindërve dhe gjyshërve.
🔴 Kujdes Po, Frikë Aspak!” – shkruan ministrja Denaj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.