Nga dëshmia e penalitetit te certifikatat! Lista e shërbimeve të reja që do ofrohen për emigrantët në sportelet konsullore gjatë 2018
Ministri për Evropën dhe Punët e Jashtme, gjatë takimit të tretë sektorial me temë “Impakti i buxhetit 2018 në politikën e jashtme dhe në procesin e integrimit” foli edhe për shërbimet e reja që do të ofrohen për shtetasit shqiptarë jashtë vendit në sportelet konsullore, duke nisur që nga viti i ardhshëm.
Konkretisht, ministri Bushati u shpreh: “Në fillim të vitit të ardhëm do punojnë që një pjesë të shërbimeve për shtetasit shqiptarë në emigrim t’i ofrojmë pranë sporteleve konsullore. Do të ofrohet dëshmia e penalitetit, verifikimi i lejeve të drejtimit, certifikatat e gjendjes civile, “e-apostilen” dhe “e-regjistrin”.
Shërbimi konsullor është imazhi që lidhet me nevojat e njerëzve. Kemi investuar për ta dixhitalizuar thuajse plotësisht, ku një pjesë e shërbimeve ofrohen online pa pasur nevojë të shkohet te sportelet konsullore.”
Bushati pohoi gjithashtu se në 2018, së bashku me Ministrinë e Brendshme dhe Ministrinë për Diasporën do të fillojë regjistrimi i shtetasve jashtë atdheut.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.