Nga pensionet te zhvillimi i bujqësisë dhe sipërmarrjes, marrëveshjet e nënshkruara në Korçë – Mbledhja e dy qeverive “zbret” në Pejë
Në mbledhjen e dy qeverive në Korçë janë nënshkruar 12 marrëveshje të përbashkëta ndërmjet qeverisë së Shqipërisë dhe qeverisë së Kosovës, ndërkohë që do të punohet nga ana e të dy shteteve për procesin e unifikimit doganor.
Ndërkohë, në konferencën e përbashkët të kryeministrave Rama dhe Haradinaj u tha se mbledhja e radhës mes dy qeverive do të mbahet në Pejë të Kosovës.
Marrëveshjet e nënshkruara janë:
-Marrëveshje për vërtetimin e periudhave të sigurimit për realizimin e të drejtës për pension;
-Memorandum Mirëkuptimi mes Agjencisë Shqiptare të Zhvillimit të Investimeve dhe Agjencisë për Përkrahjen e Sipërmarrjeve në Kosovë;
-Memorandum bashkëpunimi mes Ministrisë së Kulturës së Shqipërisë dhe Ministrisë së Kulturës Rinisë dhe Sportit të Republikës së Kosovës;
-Protokoll për bashkëpunimin teknik në fushën e bujqësisë ndërmjet Ministrisë së Bujqësisë dhe Zhvillimit Rural të RSH dhe Ministrisë së Bujqësisë dhe Zhvillimit Rural për njohjen e përbashkët të certifikatave veterinare dhe produkteve me origjinë shtazore dhe joshtazore;
-Memorandum bashkëpunimi mes Ministrisë së Turizmit dhe Mjedisit të RSH dhe Ministrisë së Mjedisit dhe Planifikimit Hapësinor të RK për bashkëpunimin në mbrojtjen e mjedisit, si dhe për zhvillimin e qëndrueshëm;
-Memorandum bashkëpunimi për krijimin dhe funksionimin e bursës shqiptare të energjisë, nënshkrimi nga Ministria e Infrastrukturës dhe Energjisë e RSH dhe Ministria e Zhvillimit Ekonomik, RK.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.