Nga po i importon ushqimet Shqipëria? Të dhënat e tregtisë së jashtme: Në 2017, u ulën shkëmbimet me Greqinë dhe u rritën me Italinë
Gjatë vitit të kaluar, Shqipëria rezulton se ka shkëmbyer më pak mallra ushqimore, pije e duhan me Greqinë. Ndërkohë, ka rritur shkëmbimet për këtë grupmallrash me Italinë, Kosovën e Turqinë.
Importet e grupmallrave “ushqime, pije e duhan” 2016-2017
Referuar të dhënave të tregtisë së jashtme të publikuara nga INSTAT, rezulton gjatë vitit 2017 Shqipëria ka importuar 151 milion lekë mallra më pak nga ky grup me Greqinë, krahasuar me vitin 2016.
Ndërkohë, me Italinë janë rritur importet me më shumë se 1 miliardë lekë krahasuar me vitin 2016.
Po ashtu, edhe me Turqinë është shënuar rritje e importeve me më shumë se 300 milion lekë ndërsa me Gjermaninë qendron në nivele të përafërta, me një ulje me 27 milion lekë.
Eksportet e grupmallrave “ushqime, pije e duhan” 2016-2017
Edhe eksporti i këtij grupi mallrash ka shënuar rënie me Greqinë gjatë vitit 2017. Në krahasim me 2016, rezulton se Shqipëria ka eksportuar drejt Greqisë 285 milion lekë mallra ushqimore, pije e duhan më pak.
Në Kosovë, rezulton se janë eksportuar rreth 300 milion lekë mallra më shumë.
Në Itali, rritja e eksporteve të “ushqime, pije e duhan” rezulton me një rritje prej rreth 500 milion lekësh.
Në total, Shqipëria gjatë vitit 2017 ka importuar rreth 6.7 miliardë lekë më shumë mallra ushqime, pije e duhan krahasuar me vitin 2016. Ndërkohë, ka imprortuar 5.3 miliardë lekë mallra më shumë nga ky grup, krahasuar me 2016.
SCAN Online
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.