Nga rimbursimi për kredi strehimi te 3 mijë lekë në muaj për çdo të lindur për 5 vite. Detajet e programit ekonomik të PD-së

Pak muaj para zgjedhjeve parlamentare, Partia Demokratike ka prezantuar programin e saj ekonomik dhe sloganin “Shqipëria Fiton”. Në emër të kësaj force, Alfred Rushaj prezantoi pikat e programit që parashikojnë një ndryshim të sistemit të taksimit dhe një rritje të mbështetjes për kategoritë në nevojë me fokus rritjen e mirëqënies.

Disa nga detajet e projektit ekonomik të PD-së:

-Taksa e sheshtë 9% për të ardhurat mbi 30.000 lekë.

-100 % rimbursim të interesave të kredisë për çiftet e reja. Përfitues rreth 20 mijë familje të reja.

-Për çdo fëmijë të lindur 3 mijë lekë të reja në muaj për 5 vite radhazi. Rreth 30 mijë familje të reja përfituese

-90 përqind e studentëve do të mbështeten nga qeveria për pagesën e tarifave të arsimit

-Rritje me së paku 60 % të pagave të arsimtarëve. Perfitojne  36 mijë familje arsimtarësh

-Ulje tatimit mbi të ardhurat personale nga paga dhe ulja e sigurimeve shoqërore, përfiton çdo I punësuar

-Ulje të çmimit të energjisë për konsumin deri 300 kilovat ore. Kursim  8500 lekë në vit per 710 mijë famije përfituese

-Të punësuarit me pagë mbi 60 mijë lekë në muaj përfitojnë thuajse një gjysëm page shteë nga ulja e tatimeve dhe sigurimeve

-Rritje pensionesh çdo vit me së paku 5 %

-Dyfishim ndihmës ekonomike për 60-70 mijë familje shqiptare

-Paga 1200 euro per mjekët dhe 700 euro per infermierët.  Perfitues 4500 mjekë dhe 14 mijë infermirë që përfitojnë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.