Nga shitëse në Nairobi, në “Mbretëreshën e Spiunazhit” – Kush është Jane Mugo, detektivja më e famshme private?
Jane Mugo njihet si “mbretëresha e spiunazhit” në Kenia. Ajo është detektivja private më e famshme, e njohur për qindra raste kriminale të zgjidhura. Mugo ka studiuar kriminologji në Universiteti Kenyatta.
Aktualisht, Jane është Drejtoresha Ekzekutive e “Trimo Security”, një firmë private investiguese në Kenia, e njohur për çështje që përfshijnë kompani juridike dhe subjekte biznesi, të tilla si Banka e Kapitalit, Autoriteti i të Ardhurave të Kenias, etj.
“Kam filluar punë si shitëse në një dyqan pajisjesh në Nairobi, në vitin 1999. Sidoqoftë, iluminimi im erdhi gjatë një periudhe të shkurtër në Policinë e Kenias si agjente e fshehtë, pas trajnimit si detektive në Departamentin e Hetimit Penal” shprehet Mugo për mediat.
Në vitin 2003, ajo u punësua nga ish-drejtori i CID-it, Joseph Kamau, si oficere sigurie për “Khaman Securities Company”, ku u promovua në postin e kryeinspektores. Dhe, për tre vjet, “mbretëresha e spiunazhit” keniane përsosi aftësitë e saj duke punuar në hetime me raste mjeko-ligjore, mbrojtjen e VIP-ave, mashtrimet dhe konsulencën e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.