Ngadalësohen pagat e gjermanëve – Rritja më e dobët në 4 vite, për shkak të inflacionit
Inflacioni më i lartë sa i përket çmimeve të konsumit gjatë 2017-ës, ka bërë që pagat reale të gjermanëve të regjistrojnë rritjen më të dobët në katër vitet e fundit, tregojnë të dhënat më të fundit. Por ndërkohë që për gjermanët kjo e dhënë mund të mos jetë pozitive, për Eurozonën është tërësisht e kundërta, pasi eliminohen një pjesë e rreziqeve negative që pritet të burojnë si pasojë e tërheqjes nga programi i stimujve.
Pagat reale të gjermanëve u rritën me vetëm 0.8% gjatë vitit të kaluar, ndërkohë që në 2016, rriteshin me 1.8%. Çmimet e konsumit në ekonominë më të madhe të Eurozonës u rritën me 1.8% gjatë vitin të kaluar, më shumë se gjysmë pikë përqindje mbi nivelin e 2016-ës. Pagat ndërkohë, në terma nominalë u rritën me 2.5%.
Pagat reale në Gjermani janë regjistruar në rritje që prej vitit 2014, ndërkohë që Gjermania dalëngadalë u bë një ekonomi e udhëhequr nga konsumatori dhe jo më nga eksportet.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.