Ngadalësohet industria gjermane – Rënia dramatike “rrezikon” ekonominë më të madhe të Europës
Një rënie dramatike në aktivitetin industrial në fund të vitit të kaluar ka shfaqur rrezikun që ekonomia më e madhe e Europës të kalojë në recension.
Deri muajin e kaluar, banka qendrore e Gjermanisë ishte në pritje të rimëkëmbjes së këtij sektori i cili ra me 1.9% gjatë nëntorit, duke argumentuar se sfidat e përkohshme do të zhduken. Ndërsa, tashmë sipas ‘Bloomberg,’ me sa duket disa prej pengesave do të marrin shumë kohë për t’u kapërcyer, duke krijuar kështu rrezik që ekonomia gjermane të tkurret përsëri.
Ndërkohë, situata nuk paraqitet kaq ‘kaotike’ për ekonomistët, të cilët ende shohin shpresë se situata mund të përmirësohet. ING thotë se konsumi privat dhe publik ka potencialin për të kompensuar forcat e recensionit, ndërsa Commerzbank shprehet se shifrat e fundit të prodhimit tregojnë një stabilizim të mundshëm.
Përmes një ankete të fundit mujore të ‘Bloomberg’, ekonomistët kanë parashikuar një zgjerim ekonomik preh 1.6 për qind këtë vit, duke u përputhur me ritmin e një viti më parë. Ndërkohë, një sondazh i ri pritet të publikohet të hënën e ardhshme, një ditë para se zyra statistikore e Gjermanisë të publikojë vlerësimin e vet për rritjen e GDP-së së vitit 2018.
“Prodhuesit e makinave kanë gjasa të rrisin prodhimin e tyre, politika monetare e BQE-së mbetet e favorshme për investime dhe programi i stimulit ekonomik të Kinës ka gjasa të rrisë ekonominë lokale, nga e cila do të përfitojë gjithashtu ekonomia gjermane”, tha analisti i Tregzbank, Marco Wagner.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.