Ngadalësohet punësimi në SHBA – Pagat rriten në mënyrë modeste. Garantojnë stimujt e Fed
Punësimi në SHBA u ngadalësua në muajin Korrik, ndërsa pagat treguan rritje. Këto, së bashku me përshpejtimin e tensioneve tregtare me Kinën, mund t’i japin motiv Rezervës Federale që të ulë përsëri normat e interesit.
Raporti mujor i Departamentit të Punës erdhi 1 ditë pasi Donald Trump lajmëroi tarifa shtesë ndaj 300 miliardë dollarë mallrave kinezë të importit më datë 1 Shtator. Banka Qendrore në SHBA uli normën bazë të interesit për të parën herë që prej vitit 2008 gjatë javës. Kryetari i bordit, Jerome Powell e përshkroi lëvizjen si një sigurim ndaj ekspansionit 10-vjeçar ekonomik. Punësimi u rrit me 164,000 njësi në muajin Korrik, në rënie me 41,000 krahasuar me Qershorin.
Punësimi për Korrikun tregoi një ngadalësim të krijimit të vendeve të punës nga mesatarje prej 223 mijë në muaj që ishte në vitin 2018. Analistët thonë se është e paqartë nëse humbja e vrullit erdhi prej kërkesës së dobët për punë apo mungesës së punëtorëve të kualifikuar. Megjithatë, ritmi i rritjes së punësimit qëndron sipër 100,000 në muaj që duhen për të tejkaluar rritjen e popullsisë në moshë pune.
Norma e papunësisë qëndroi e pandryshuar nga Korriku, në 3.7%. Pavarësisht normës më të ulët të papunësisë në 50 vite, rritja e pagave është rritur në mënyrë modeste, ç’ka mund të mbështesë lehtësimin monetar. Inflacioni ka qendror poshtë objektivit prej 2% të Rezervës Federale këtë vit. Të ardhurat mesatare për orë u rritën me 0.3% në Korrik, duke e çuar rritjen vjetore në 3.2%.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.