Ngadalësohet vaksinimi në Indi – Inventarët, në nivel rekord. Koha mes dozave vazhdon në 12-16 javë
Fushata e vaksinimit në Indi është ngadalësuar pavarësisht nivelit rekord të inventarëve të vaksinave, sipas ministrisë së Shëndetësisë, ndërkohë që autoritetet ruajnë një hendek më të gjatë se zakonisht mes 2 dozave, në përpjekje për të mbuluar më shumë banorë me 1 dozë. Prodhimi i brendshëm i AstraZeneca, që përbën rreth 90% të dozave të administruara, është mbi 3-fishuar që prej Majit, kur mungesa e ofertës bëri që India të dyfishoi periudhën mes 2 dozave, në 12- 16 javë.
Ky hendek, që tejkalon rekomandimet e OBSH, ka bërë që India t’i japë të paktën 1 dozë 74% të popullsisë së rritur prej 944 milionë, ndërkohë që vetëm 30% kanë marrë regjimin e plotë. Vaksina e AstraZeneca, e njohur si Covishield, përbën 861 milionë doza të totalit të administrimeve prej 977 milionë, ku vaksina tjetër është covaxin, me interval të dozave në 4-6 javë.
Në ditët e fundit, inventarët ditorë të të gjithë vaksinave të Covid-19 kanë kaluar 100 milionë doza, sipas ministrisë. Në kontrast, vaksinimi ditor ka rënë në një mesatare prej 5 milionë doza këtë muaj. Qeveria ka bërë të ditur se po ndjek rekomandimet nga grupe të ekspertëve, për të bërë ndryshime të dozave.
Në Korrik, studimet vlerësuan se mbi 2/3 e indianëve kanë antitrupa të Covid-19, kryesisht përmes infeksionit natyror. Rastet prej 13,596 ditën e hënë në Indi, ishin më të ulëtat në 230 ditë, duke e çuar totalin në mbi 34 milionë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.