“Ngërçi” për Ministrin e Jashtëm – Bushati: Të zgjidhet një orë e më parë

Të zgjidhet një ore e më parë procedura kushtetuese për Apeli ka ardhur nga ministri në detyrë i Ministrisë për Europën dhe Punët e Jashtme, Ditmir Bushati, në fjalën e tij të fundit. Ndërsa ka cilësuar si të drejtë dhe përgjegjësi të kryeministrit përzgjedhjen e ekipit të tij politik, Bushati është shprehur se zgjidhja e këtij ‘ngërçi’ të krijuar në MEJP do t’i krijonte mundësi vendit që të përfaqësohej më denjësisht në arenën ndërkombëtare.

Fjala e plotë:

“Besoj se është e qartë për këdo se pozicioni i ministrit ka dy dimensione. Ka dimensionin kushtetues dhe dimensionin politik. Për sa i përket dimensionit politik, kryeministri e ka marrë tashmë vendimin e tij, e ka bërë të ditur për opinionin publik për të ndryshuar drejtimin politik të Ministrisë për Europën për Punët e Jashtme. Është e drejtë dhe përgjegjësi ekskluzive e kryeministrit për të përzgjedhur ekipin e tij politik të cilin ai do të përmbushë objektivat e programit në këtë fushë.

Apeli im sot është shumë i thjeshtë për të ezauruar një orë e më parë procedurën kushtetuese që jetëson jo vetëm ndryshimin e lidershipin politik në Ministrinë për Europën dhe Punët e Jashtme, por që do t’i krijonte njëkohësisht mundësi vendit për t’u përfaqësuar në mënyrë të denjë dhe eficiente në arenën ndërkombëtare, aq më tepër ku siç e patë edhe gjatë konferencës së shtypit me kolegun tim Italian vendi është përballë sfidave të cilat nuk i kanë njohur më parë.”

 G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.