Ngrihet task-forca për hapjen graduale, Manastirliu: “Do të ketë 4 faza, në maj lirohet lëvizja”

Ministrja e shëndetësisë Ogerta Manastirliu prezanto ditën e sotme planin e masave për hapjen graduale për ekonominë dhe protokollet e detyrueshme për t’u zbatuar.

Mësohet se sot është ngritur task-forca ndërinstitucionale. Ne deklaratën për mediat, Manastiliu ka bërë me dije se janë 100 vatra aktive në Shqipëri me COVID-19,:

“Na rezulton se kemi mbi 100 vatra aktive në të gjithë Shqipërinë. Numri i shtrimeve në spital është i qëndrueshëm. Bazuar në këtë vlerësim dinamik, Komiteti Teknik i Ekspertëve ka hartuar planin për lehtësimin e masave. Ky plan bazohet në disa kritere si; kriteret epidemiologjike dhe kriteret spitalore. Plani cakton që të hapen aktivitetet me më shumë efekt në ekonomi dhe më pak risk. Çdo hapje do të këtë protokolle strike. Lehtësimi do të ketë katër faza, sipas udhëzimeve të hartuara nga OBSH-ja. Për monitorimin e masave po ngrihet Task-Forca për të monitoruar situatën në terren. Çdo biznes duhet të zbatojë me përpikëri masat. Çdo biznes duhet të marrë vërtetimin në e-albania dhe ta afishojë atë në ambientet e punës edhe të njihen punonjësit me këto rregulla”, tha ajo.

Duke bërë me dije se masat do të ndryshojnë në një hapësirë prej dy javësh, Manastirliu tha se nga fillimi i muajit maj mund të zgjerohet fashën e lëvizjes së makinave brenda një bashkie.

“Transporti taksi me vetëm një person pasagjer sipas masave të përcaktuara do të jetë një tjetër shërbim që do të lehtësohet. Vlerësimi i çdo mase do të analizohet çdo dy javë. Në rast se nuk do të kemi tregues të qëndrueshëm parashikon rikthimin e masave. Nëse situata do të jetë e qëndrueshme, atëherë në fillim të majit mund të zgjerojmë fashën e lëvizjes së makinave brenda një bashkie, edhe për ata që duan të shkojnë në pazar dhe lëvizjen në këmbë”, tha Manastirliu.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.