Ngritja e bursës së energjisë – Pas vendimit të qeverisë, Ahmeti: Funksionale vitin që vjen
Bursa e energjisë pritet të jetë funksionale vitin që vjen”. Deklarata vjen nga kreu i Entit Rregullator të Energjisë, Petrit Ahmeti pas miratimit të vendimit të Këshillit të Ministrave, që i hap rrugën ngritjes së saj.
Bursa e energjisë është prej elementëve më të rëndësishëm që parashikon modeli i tregut të energjisë në vend, ndërkohë që vendimi për ngritën e saj u miratua në datën 16 maj. Bursa parashikon listimin e prodhuesve të energjisë elektrike, duke lehtësuar blerjen e energjisë nga të gjithë ata biznese që kanë dalë në treg të lirë, duke siguruar vetë sasinë e nevojshme të energjisë.
Nga ana tjetër, pritet që tregtimi me shumicë i energjisë të ulë çmimin për konsumatorët, ndërsa prodhuesit do të kenë mundësi të shesin e blejnë, duke u bërë pjesë e platformave rajonale të tregtimit të saj.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.