Ngrohja në shkolla, jo më problem – Nënkryetarja e Bashkisë Tiranë, në Argument: 90% e shkollave, të siguruara

Në ditën e parë të vitit të ri shkollor, në Argument, u diskutua pikërisht  për arsimin në Shqipëri, ndryshimet që kanë ndodhur por edhe problematikat, të reja e të vjetra. Anisa Ruseti, nënkryetare e Bashkisë Tiranë, e ftuar në Argument, deklaroi se për 90% të shkollave 9-vjeçare apo të mesme në Kryeqytet ngrohja nuk do të jetë më një problem, pasi është zgjidhur tashmë me investimet e Bashkisë.

Por edhe problematikat, sidomos ato që vijojnë prej vitesh morën vëmendje gjatë mbrëmjes së të Hënës. Një ndër këto problematika është pikërisht braktisja e shkollës, që në pjesën dërrmuese të rasteve ndodh si rrjedhojë e kushteve të vështira ekonomike. Sipas Komisionit Europian në Shqipëri është më e larta në rajon e ndër më të lartat në Europë. Thuajse 1 në 4 të rinj  nga 18 deri në 24 vjeç janë vetëm me arsim 9-vjeçar. Për këtë fenomen prindërit mbajnë përgjegjësi ligjore e mund edhe të gjobiten.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.