Nikkei sulmon përsëri Apple – I ka kërkuar furnitorëve që të prodhojë më pak pjesë për iPhone
E përditshmja japoneze Nikkei ka sulmuar përsëri gjigantin e teknologjisë, Apple. Prestigjiozja raporton se Apple i ka kërkuar furnitorëve që të prodhojnë 20% më pak pjesë të produktit iPhone për gjysmën e dytë të vitit 2018, duke sjellë rënien e vlerës në treg të kompanisë me 2%.
Apple pret që dërgesat totale të iPhone që do të nisin këtë vit, të arrijë në 80 milionë njësi, më pak se 100 milionë që Apple planifikoi për të njëjtën periudhë një vit më parë, sipas të përditshmes financiare që citon burime të industrisë.
“Apple është treguar e përmbajtur në vendosjen e porosive të reja për telefonat që do të vijnë këtë vit”, raporton Nikkei.
Aksionet e Apple, që zakonisht prezanton iPhone-in e ri në gjysmën e dytë të vitit, ranë me 2.2% në 189.2 dollarë.
Aksionet e furnitorëve ranë gjithashtu, me më shumë se 6%. Sipas raportimeve, kompania synon të prezantojë 3 iPhone të ri në vitin 2018 dhe pritet të nisë dërgesat në muajin Shtator.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.