Nirvana Deliu në ‘Argument’ për zgjedhjet evropiane: Partitë ekstreme janë të ndara në fraksione, nuk përbëjnë rrezik.
Gjatë mbrëmjes të së enjtes, në ‘Argument’, është folur mbi zgjedhjet për Parlamentin Evropian, që zhvillohen me datë 26 Maj.
Lidhur me temën, Nirvana Deliu, përfaqësuese e European Movement Albania është shprehur se këto zgjedhje janë të veçanta pasi Britania e Madhe fut në Parlament shumë deputetë, të cilët nuk e dinë me siguri a do e vazhdojnë mandatin e tyre, pasi Britania do të dalë nga BE-ja.
Më tej ajo ka shtuar se fryma populiste nuk përbën aq rrezikshmëri sa është përfolur këto ditë, kjo pasi partitë e djathta populiste janë të ndara në fraksione dhe nuk janë të bashkuara, ndaj e kanë të vështirë të krijojnë një grup parlamentar në PE. “Gjithashtu këto parti e kanë ndryshuar qajsen e tyre radikale krahasimisht me disa vite më parë, nuk janë më aq radikale dhe janë parti që e kanë të vështirë pushtetin”,-ka shtuar Nirvana Deliu. SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.