Nis dhënia e granteve në Lezhë, Krujë dhe Kurbin, Rama: Qeveria do të paguajë të gjithë banorët, fondi rreth 8 mld lekë

Ka nisur dhënia e granteve të meremetimit vetjak të banesave në Bashkitë Lezhë, Krujë dhe Kurbin të cilat u dëmtuan pjesërisht nga tërmeti i 26 nëntorit. Sipas kryeministrit Edi Rama, i cili zhvilloi një takim on line me krerët e këtyre bashkive, qeveria do të paguajë një për një të gjithë banorët, për meremetimet e dëmeve të tërmetit, në një shumë totale afro 8 miliardë lekë.

I pranishëm në takim ishte edhe ministri i rindërtimit  Arben Ahmetaj sipas të cilit këto banesa do të përfundojnë brenda vitit.Në Lezhë, Krujë dhe Kurbin janë 4810 familje që përfitojnë pagesat e granteve për riparimin e dëmeve të shtëpive.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.