Nis mosbindja civile – Basha-Kryemadhi: Të hiqet taksa dhe të lirohen të arrestuarit

Opozita, ashtu sikurse kishte paralajmëruar,  ka përshkallëzuar protestën e saj kundër qeverisë ditën e enjte. Mosbindja civile ka nisur që në orën 10 të mëngjesit me bllokimin e katër  akseve  kryesore  të qarkullimit që të sjellin në kryeqytet. Kreu i partisë demokratike Lulzim Basha, u është bashkuar qytetarëve në Vorë, ndërsa kryetarja e LSI Monika Kryemadhi në Elbasan.

Pas deklaratës së kryeministrit Edi Rama për pezullimin e taksës për rrugën e Kombit, Basha dhe Kryemadhi kërkuan heqjen e taksës dhe lirimin e të arrestuarve.

Basha shprehu edhe njëherë qëndrimin në mbështetje të biznesit dhe familjeve  në nevojë, të cilat janë përjashtuar nga ndihma ekonomike, ndërsa për Kryemadhin protesta i plotësoi pritshmëritë.

Mosbindja civile ka nisur me bllokimin e katër akseve kryesore për më shumë së  tre orë në Vorë, Ebasan, Milot dhe Çermë të Lushnjes.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.