Nis ndërtimi i aeroportit të Vlorës – Balluku: Operacional, në vitin 2025. Rama: 4 aeroporte duhen për të zhvilluar turizmin

Pavarësisht kundërshtimeve nga organizatat mjedisore, 28 nëntori shënoi nisjen e punimeve për ndërtimin e aeroportit të Vlorës, brenda zonës së mbrojtur të Vjosë-Nartës. Qeveria zgjodhi Ditën e Pavarësisë për nisjen e punimeve të kësaj vepre aeroportuale, që do të ndërtohet përmes një partneriteti publik-privat 35-vjeçar.

Pavarësisht kundërshtimeve nga organizatat mjedisore, 28 nëntori shënoi nisjen e punimeve për ndërtimin e aeroportit të Vlorës, brenda zonës së mbrojtur të Vjosë-Nartës. Qeveria zgjodhi Ditën e Pavarësisë për nisjen e punimeve të kësaj vepre aeroportuale, që do të ndërtohet përmes një partneriteti publik-privat 35-vjeçar. Ministrja e Infrastrukturës dhe Energjisë, Belinda Balluk tha se sipas parashikimeve aeroporti do të jetë operacional në vitin 2025.

Kryeministria Edi Rama shpjegoi nevojën për ndërtimin e 4 aeroporteve në vendin tonë, duke përfshirë edhe atë të Sarandës. Sipas tij, këto vepra aeroportuale janë të nevojshme në funksion të zhvillimit të turizmit, për të sjellë në vendin tonë tursistët që shpenzojnë në shumë.

Fituesi i koncesionit 35-vjeçar u shpall në mars të këtij viti,  ndërkohë oferta e dorëzuar nga konsorciumi, që dominohet nga komapnia Mabetex Group e biznesmenit nga Kosova Behgjet Pacolli  është 104 mln euro. Ndërkaq, përveç organizatave mjedisore, një muaj më parë edhe Byroja e Komitetit të Përhershëm të Konventës së Bernës i ka bërë thirrje qeverisë shqiptare të rishikojë planet për ndërtimin e këtij aeroporti. Komiteti ndau shqetësimin e thellë në lidhje me planet për urbanizimin e zonës së mbrojtur Vjosë-Nartë, duke theksuar vlerat e njohura natyrore të zonës. Edhe raporti i fundit i Komisionit Evropian për Shqipërinë vinte në dukje se ndërtimi i një infrastrukture të tillë brenda zonës së mbrojtur shkel në tërësi kuadrin ligjor për ruajtjen e natyrës tyre.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.