Nis operacioni i ri “Forca e Ligjit”! Rama: Janë piketuar dhe shënjestruar “të fortët”. Të hënën Task-Forca e re   

Këshilli i Ministrave do të miratojë të hënë një strukturë speciale brenda policisë së shtetit, me ekspertë vendas e të huaj që do të zbatojë operacionin për goditjen e krimit. Në komunikimin javor, kryeministri Edi Rama e konsideroi operacionin që do të nisë nga Task-Forca e re si operacionin më të strukturuar dhe më afatgjatë në historinë e 27 viteve. “Një pjesë e planit forca e ligjit do të jetë sekret dhe nuk do të ndahet me askënd përveçse me agjencitë ligjzbatuese kombëtare dhe ato ndërkombëtare që do të përfshihen si partnere në zbatimi. Kemi punuar prej muajsh. Jemi përgatitur qenësisht e kemi siguruar bazën e burimet njerëzore të brendshme e të huaja” tha Rama duke njoftuar edhe përfshirjen e agjentëve të FBI-së në këtë operacion.

Në fokus, sipas kryeministrit, do të jetë edhe pasuria e krimit të organizuar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.