Nis pastrimi i Shqipërisë – Rama: Nuk është një aksion, bashkitë të garantojnë territor të pastër
Nga Vlora, qeveria ka nisur planin e veprimit për pastrimin rrënjësor të vendit, i cili do të shtrihet në çdo qark të Shqipërisë. Kryeministri Edi Rama theksoi se ndotja dëmton ekonominë dhe shëndetin e gjithësecilit, ndërsa bëri me dije se ky nuk do të jetë një aksion sporadik, por një plan i mirëfilltë dhe i qendrueshëm.
“Ky plan buron nga shumë mesime te ketyre viteve. Situate eshte shumë keq. Kjo ndotje demton ekonomine e gjithesecilit, demton turizmin, demton dhe shendetin”, u shpreh Rama.
“Asnjë bashki nuk do të lejohet të bëjë asgjë tjetër nëse nuk garanton të gjitha burimet financiare të nevojshme për pastrimin dhe nëse nuk garanton që ato burime të kthehen në një territor qedrueshmërisht të pastër”.
Rama tha se problem tjetër është ndotja që shkaktojnë bizneset, dhe kryesisht në zonat bregdetare.
Ndërsa u ndal edhe tek vëmendja që Policia e Shtetit duhet ti kushtojë mbrojtjes së mjedisit dhe monitorimit të ndërtimeve pa leje. Nga ana tjetër, Ministrja e Turizmit dhe Mjedisit, Mirela Kumbaro bëri apel që gjithkush të ndërgjegjësohet për rëndësinë që ka një mjedis i pastër.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.