Nis punën Kuvendi, seanca e parë formale – Luljeta Bozo: Kjo legjislaturë do mbahet mend gjatë, të punojmë pa ngjyra partiake
Legjislatura e 10-të e Kuvendit ka nisur këtë të premte punimet e drejtuar nga Deputetja me moshën më të madhe në sallë Luljeta Bozo. Në fjalën hapëse ajo tha se kjo legjislaturë do të mbahet mend gjatë për shkak të numrit të madh të grave që janë pjesë e Kuvendit, si dhe sfidat e reformat e rëndësishme që e presin për katër vitet e ardhshme, duke u bërë thirrje deputetëve të punojnë për këtë pa ngjyra partiake.
Më tej, Bozo ftoi tre deputetët me moshën më të re të bëheshin pjesë e Sekretariatit të Kuvendit të bëheshin pjesë e Sekretariatit të Kuvendit, të cilët do ta ushtrojnë këtë funksion deri në krijimin e byrosë së tij.
Në këtë seancë të parë të Kuvendit, u zgjodh edhe Komisioni I Verifikimit të Mandateve, i përberë nga 5 deputetë të mazhorancës dhe 4 të opozitës.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.