Nis shpërndarja e 35 mijë vaksinave të para të gripit sezonal – Manastirliu: Sasia tjetër mbërrin në fund të muajit

Ministrja e Shëndetësisë, Ogerta Manastirliu njofton se nga dita e sotme po shpërndahen 35 mijë vaksinat e para të gripit sezonal, pjesë e 220 mijë vaksinave, sasia tjetër e të cilave pritet të mbërrijë në fund të këtij muaji, duke siguruar vaksinimin e personelit shëndetësor, të të moshuarve me sëmundje kronike dhe grave shtatzëna.

Manastirliu thekson se bashkë me vaksinat kundër gripit do të vijojë me intensitet vaksinimi antiCovid në çdo qendër shëndetësore në vend.

“Koha për VAKSINIM është TANI, për të shmangur riskun e shtimit të infeksioneve që sjell dhe stina e dimrit, reduktimin e hospitalizimeve dhe fataliteteve”, shkruan ministrja.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.