Nis testimi i shpejtë për covid-19 Manastirliu: Kemi siguruar 100 mijë teste. Bino: Përgjigja, për 30 minuta
Prej datës 7 dhjetor në vendin tonë do të nisë aplikimi i testeve të shpejta për diagnostikimin e COVID-19. Në një dalje për mediat, ministrja e Shëndetësisë dhe Mbrojtjes Sociale, Ogerta Manastirliu tha se tashmë është nënshkruar kontrata për 100 mijë teste, ndërkohë që nga data 20 dhjetor do të nisë aplikimi i tij edhe në urgjencat e spitaleve rajonale.
Shefja e Departamentit të Sëmundjeve Infektive në ISHP, Silva Bino tha se testet e siguruar janë 100% të saktë, ndërkohë që përgjigja merret për 30 minuta.
Ndërkaq, Manastirliu foli edhe për sigurimin e vaksinës, duke theksuar se përveç angazhimit në aleancën Gavi, po bëhen përpjekje edhe për sigurimin e saj përmes shteteve të tjera të Bashkimit Evropian.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.