Nis vaksinimi për të pastrehët – Marrin dozën e parë 30,000 njerëz
Spanja ka nisur sot një program vaksinimi COVID-19 për mijëra njerëz të pastrehë.
Administrata ka filluar një plan të përshtatur për t’u siguruar që të gjithë marrin vaksinën, edhe nëse jetojnë në rrugë.
Të pastrehët kanë qenë një nga grupet më të ekspozuar ndaj virusit, me qasje të kufizuar në maskat e fytyrës dhe higjienën. Vaksinimi i tyre ka paraqitur shumë sfida për autoritetet shëndetësore.
Spanja ka imunizuar 20% të popullsisë së saj. Gati 90% e njerëzve mbi 60 vjeç kanë pasur të paktën një dozë. Kujdestarët dhe OJQ-të kishin kërkuar që të pastrehët të konsiderohen si një grup veçanërisht i prekshëm për të shpejtuar vaksinimin e tyre.
“Sigurimi i aksesit në shërbimet shëndetësore për të pastrehët është thelbësor, si një çështje e Shëndetit Publik, dhe gjithashtu sepse kjo popullatë ka më shumë të ngjarë të vuajë sëmundshmëri më të lartë se sa popullsia mesatare.” tha Dr María Fernández, Zëvendës President i Shoqatës Spanjolle të Komunitetit dhe Shëndetit Familjar. (Euronews)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.