Nis viti i ri akademik – Mbi 22.200 studentë ulen për herë të parë në auditorë
Nisi këtë të hënë viti i ri akademik 2017-2018. Mbi 22.200 studentë ulen për herë të parë në auditorët e universiteteve. Nga fakulteti i Mjekësisë, ministrja e Arsimit, Sportit dhe Rinisë Lindita Nikolla uroi të gjithë studentët dhe theksoi se ky vit i ri akademik shënoi një standard të ri të pranimeve në universitete, në bazë të kritereve të shëndosha dhe transparencës.
Më tej Nikolla renditi disa prej arsyeve pse zgjodhi të përcjellë urimin nga ky universitet ndër të cilat edhe vlerësimi për procesin e akreditimit, me një kohëzgjatje prej 5 vitesh për universitetin e mjekësisë.
Urime në çeljen e këtij viti akademik përcollën edhe dekanët e fakulteteve. Në fakultetin e Ekonomisë dekani Dhori Kule uroj 1271 studentët që ulën për herë të parë në auditorët e këtij fakulteti.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.