Nis viti i ri shkollor – 480 mijë nxënës ulen në banka, 32 mijë për herë të parë
Nis viti i ri shkollor 2018-2019 për 480 mijë nxënës të arsimit 9 vjeçar dhe të mesëm në mbarë vendin. Por më emocionuese kjo ditë është për 32 mijë vogëlushët, të cilët këtë vit ulen për herë të parë në bankat e shkollës.
Emocionet nuk munguan as te prindërit të cilët krahas urimit shprehen të vlerësuar edhe nga nismat e qeverisë një ndër të cilat ajo për librat falas.
Ajo që vihet re këtë vit të ri shkollor është numri më i ulët i nxënësve të cilët ndryshe nga një vit më parë rezultojnë se janë 15 mijë nxënës më pak në arsimin parauniversitar. Një rënie e numrit të fëmijëve vërehet edhe tek klasat e para, nga 33 mijë në vitin e kaluar në 32 mijë këtë vit.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.