Nisin punimet në segmentin Tiranë-Durrës – ARRSH: Si do të devijohet trafiku

Autoriteti Rrugor Shqiptar njofton se kanë nisur punimet në segmentin rrugor Tiranë-Durrës. Punimet janë parashikuar të kryhen brenda dy ditëve dhe trafiku në drejtimin Durrës-Tiranë në këto segmente do të orientohet me një kalim, sipas ARRSH-së.

Ndërkohë, shton më tej se janë marrë të gjitha masat me sinjalistikën e nevojshme për devijimin e trafikut.

“Në segmentin rrugor Tiranë-Durrës, tek CityPark dhe Ford për referencë, në kuadër të punimeve të emergjencës të miratuara për këtë segment rrugor, sot po punohet për zëvendësimin e new jersave me guardrela në këto dy pika të saj.
Punimet do të realizohen brenda 2 ditëve dhe trafiku në drejtimin Durrës-Tiranë në këto segmente do të orientohet me një kalim. Ndërkohë, janë marrë masat për devijimin e trafikut me sinjalistikën e nevojshme me qëllim orientimin sa më të qartë të qytetarëve.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.