Nisin punimet për ndërtimin e tunelit të Llogarasë – Rama: Plotëson gjerdanin e investimeve të bëra në zonën e Labërisë! Sjell turizëm elitar
E diela ka shënuar nisjen e punimeve për ndërtimin e tunelit të Llogarasë, i cili nga 55 minuta që bëhet aktualisht Qafa e Llogarasë, do të shkurtojë në vetëm për 7-10 minuta kohën e kalimit. Kjo është bërë e ditur nga kryeministri Edi Rama, i cili tha se jetësimi i projektit të tunelit të Llogarasë bëhet pas 3 dekadash në sirtarë dhe do të plotësojë të gjithë gjerdanin e infrastrukturës në zonë e Labërisë duke shkurtuar ndjeshëm kohën që do të përshkruhet e gjithë pellgu i jugut.
Rama ka zgjedhur të mos presë vetë shiritin e fillimit të inaugurimeve të punës, por ka ftuar një vajzë të re, që sipas tij është bërë simbol i kësaj vepre dhe e ka takuar për herë të parë në 2013 gjatë fushatës së PS.
Garën për ndërtimin e tunelit të Llogarasë e ka fituar Konsorciumi turk, (bashkimi i kompanive Kompanitë turke Intekar Yapi Turizm Elektrik Insaat Sanayi Ticaret Limited Sirketi dhe Asl Insaat Taahhut Ve Sanayi Ticaret Limited Sirketi, ndërkohë që kostot totale të projektit janë 140 mln €!
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.