Nisin punimet për rehabilitimin e Portit të Durrësit – Investimi synon shmangien e vonesave dhe trafikut të rënduar

Autoriteti Portual i Durrësit njofton se kanë nisur punimet për rehabilitimin total të aksit që lidh Portën nr.2 me Terminalin e Trageteve në Port.

“Ky investim i Autoritetit Portual Durrës do t’ju vijë në ndihmë të gjithë përdoruesve portual, duke shmangur vonesat në qarkullim dhe trafikun e rënduar që krijohet, veçanërisht gjatë sezonit të fluksit të lëvizjeve në Portin e Durrësit”, shkruhet në njoftim.

APD u bën thirrje përdoruesve të Portit që të zbatojnë rregullat e qarkullimit dhe sinjalistikën në këtë aks, për të mos krijuar pengesa gjatë punimeve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.