Nisin punimet për rrjetin e ri të ujësjellës-kanalizimeve në zonën e Kombinatit
Një investim i rëndësishëm ka nisur në zonën e Kombinatit, ku kanë filluar punimet për ndërtimin e rrjetit të ri të ujësjellës-kanalizimeve në rrugën “Mustafa Krantja”. Ky investim do të rrisë ndjeshëm kapacitetin e transmetimit dhe cilësinë e shërbimit ndaj qytetarëve të zonës.
Paralelisht, grupet e punës kanë punuar edhe tek Rr. “Ndreko Rino” në kryqëzim me Rr. “Marko Boçari” për t’i dhënë zgjidhje problematikës së sinjalizuar nga komuniteti i kësaj zone. Bashkia e Tiranës ka nisur punimet në lidhje me rrjetin e ujësjellësve dhe kanalizimeve, më synim përmirësimin e ndjeshëm të furnizimit me ujë të pijshëm dhe të cilësisë së tij.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.