Nisma e re/Automjetet, skafet e gomonet e bllokuara nga Policia i kalojnë në administrim Rezervave Materiale të Shtetit

Automjetet e bllokuara nga Policia e Shtetit do të kalojnë në administrimin e Rezervave Materiale të Shtetit. Kjo parashikohet në një prej projektligjeve që pritet të propozohet gjatë këtij viti nga ministria e Mbrojtjes.

Nisma ligjore parashikon marrja në administrim nga Rezervat Materiale të Shtetit të mjeteve rrugore të pajisura me leje qarkullimi nga organet kompetente shqiptare/të mjeteve rrugore të paregjistruara e të pajisura me leje qarkullimi nga organet kompetente shqiptare të konfiskuara si pasojë e sekuestrimit, ndalimit apo bllokimit nga organet e Policisë së Shtetit deri në datën 31 dhjetor 2017, të cilat nuk janë objekt ruajtje në cilësinë e provës materiale.

Po ashtu, në administrim të Rezervave Materiale të Shtetit do të kalojnë edhe mjete lundruese të regjistruara e të pajisura me leje lundrimi dhe me certifikatën e përdorimit të mjetit lundrues nga organet kompetente shqiptare, mjeteve lundruese të paregjistruara e të pajisura me leje lundrimi dhe me certifikatën e përdorimit të mjetit lundrues nga organet kompetente shqiptare, të konfiskuara si pasojë e sekuestrimit, ndalimit apo bllokimit nga organet e Policisë së Shtetit deri në datën 31 dhjetor 2017, të cilat nuk janë objekt ruajtje në cilësinë e provës materiale.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.