Një ditë pas humbjes së votës së mosbesimit, Kryeministrit rumun i kërkohet të formojë një qeveri të re!

Kryeministrit rumun, Ludoviç Orban i është kërkuar të krijojë një qeveri të re, një ditë pasi qeveria e tij e pakicës qendrore humbi votën e mosbesimit në parlament.

Pas mbajtjes së konsultave të enjten me partitë politike, Presidenti Klaus Iohannis zgjodhi aleatin e tij Orban. Qeveria e Orban humbi një votim mosbesimi në parlament të mërkurën mbi një projektligj që do të paraqiste ndryshime në ligjet e zgjedhjeve në Rumani, duke përfshirë zgjedhjet me dy raunde në garat e kryetarëve dhe mënyrën sesi rumunët që jetojnë jashtë mund të japin votat e tyre.

Duke pasur parasysh këtë sfond, ka dyshime nëse Orban do të jetë në gjendje të formojë një qeveri të re, duke ngritur perspektivën e zgjedhjeve të parakohshme.

Zgjedhjet janë planifikuar të mbahen në fund të vitit 2020. Çdo votim i hershëm mund të mbahet ndoshta në maj ose qershor. Sondazhet tregojnë për Partinë Kombëtare Liberale të Orban një epërsi me rreth 45% mbështetje ndërsa Social Demokratët me rreth 20%. (AP)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.