Një femër në 214 majat më të larta të malit Cumbria për vetëm 6 ditë, përmbys rekordin e Paul Tienev
Sabrina Verje , 40 vjeç nga Ambleside , Lake District ka arritur të vendosë një rekord të ri duke ngjitur për vetëm 5 ditë e 23 orë të gjitha majat e malit Cumbria.
Ajo çfarë e bën arritjen e 40-vjeçares të veçantë është se rruga e përshkruar është 529 km e gjatë dhe vështirësisë i shtohet edhe terreni i vështirë dhe moti i ashpër.
Verjee u nis në vitin 2020 për të përshkruar majat e këtij mali, por u detyrua të ndërpriste udhëtimin për shkak të lodhjes dhe kushteve jo favorizuese shëndetësore.
Ajo është shprehur për mediat se kishte ardhur koha ta çonte deri në fund misionin e saj dhe se këtë herë ka qenë mjaftueshëm e stërvitur dhe e përgatitur fizikisht.
“Këtë herë, trupi im u zhvillua më mirë sesa prisja dhe unë isha në gjendje të mbaja një ritëm të mirë gjatë gjithë kohës,”, ka thënë Sabrina Verjee.
Ndër të tjera ajo nuk ka harruar të falenderojë edhe grupin e saj mbështetës për të cilët është shprehur se e kanë mbajtur të motivuar dhe të fortë gjatë 6 ditëve.
E lumtur nga arritja e 40 vjeçarja i ka bërë thirrje të gjitha grave dhe vajzave të provojnë këtë eksperiencë duke sfiduar veten.
“Nëse ajo që unë kam bërë frymëzon më shumë njerëz , veçanërisht vajza dhe gra të dalin atje dhe të sfidojnë veten e tyre, atëherë ky është një bonus i shtuar,”ka thënë ajo.”
Rekordi i mëparshëm për përfundimin më të shpejtë të të gjitha majave u vendos nga Paul Tienev në vitin 2019 për tu pasuar më vonë nga një femër që jo vetem theu rekordin në ngjtjen më të shpejtë në Cumbria , por po bën xhiron e rrjetit në mediat më të mëdha të botës.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.