Një gropë masive e krijuar në kushte të paqarta kërcënon fushat e fermerëve dhe shtëpitë në fshatin meksikan
Një gropë e madhe me diametër rreth 60 metra është shfaqur në fushat e fermerëve në Meksikën qendrore, duke kërcënuar të gëlltisë një shtëpi që ndodhet aty afër. Gropa ndodhet në Santa María Zacatepec, shteti Puebla dhe është rreth 20 metra e thellë, tha guvernatori i shtetit Miguel Barbosa Huerta në një konferencë shtypi.
Barbosa tha se familja që jeton afër gropës është evakuuar. Askush nuk është lënduar deri më tani, por guvernatori paralajmëroi banorët lokalë që të qëndrojnë larg zonës.
Gropa kishte një diametër pesë metra kur u shfaq për herë të parë dhe u rrit shpejt për vetëm disa orë, sipas Beatriz Manrique, sekretarit të mjedisit për rajonin e Meksikës. “Ne mendojmë se mund të jetë një kombinim i dy faktorëve: zbutja e fushës, e gjithë zona ishte duke u kultivuar, si dhe nxjerrja e ujërave nëntokësore, e cila zbut nëntokën”, tha Manrique.
Zyrtarët nga organet publike duke përfshirë komisionin kombëtar të ujit tani do të kryejnë një hetim për atë që ka ndodhur. Ky proces përfshin studime të tokës, dhe mund të zgjasë deri në 30 ditë.
Këto fenomene ndodhin kur toka nuk mund të mbështesë më sipërfaqen e tokës mbi të, sipas Shërbimit Gjeologjik të Shteteve të Bashkuara (USGS).
Kjo mund të ndodhë për një numër arsyesh, duke përfshirë erozionin e shkëmbit nën sipërfaqen e tokës ndërsa ujërat nëntokësore kalojnë nëpër të, duke lënë një boshllëk në të cilin sipërfaqja shembet. (CNN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.