Një “hacker” për President – O`Rourke ka qenë pjesë e një grupi legjendar në rininë e tij

Një “hacker” për President – O`Rourke ka qenë pjesë e një grupi legjendar në rininë e tij

Beto O`Rourke tashmë e ka zyrtarizuar kandidaturën e tij mes demokratëve në garën presidenciale të vitit të ardhshëm.

Por, sipas agjencisë së lajmeve Reuters, O`Rourke në rininë e tij ishte pjesë e një grupi mjaft të njohur dhe legjendar hakerash. Vetë ish kongresmeni i Texasit e ka praniuar se në moshën 17 vjecare në qytetin e tij, El Paso u përfshi në atë që njihet si “Kulti i Lopës së Ngordhur”. O`Rourke pranon gjithashtu se në atë kohë ka vjedhur shërbime telefonike në distancë të gjatë, ashtu si të tjerë anëtarë të grupit.

Këto dhe shumë të tjera janë pjesë e një libri që pritet të dalë për Kultin në fjalë, pjesë e së cilës mësohet të ketë qenë edhe O`Rourke, kandidat për t`u bërë Presidenti i Shteteve të Bashkuara të Amerikës. Sipas Reuters, O`Rourke ka qënë një prej hakerave më premtues të gjeneratës së tij. Bëhet fjalë për fundin e viteve `80-të.  Një aksion i famshëm i grupit asokohe, detyroi Microsoft të përmirësonte në mënyrë drastike sigurinë e sistemeve të saj.

Mes demokratëve kandidaturën e ka shpallur edhe Elizabeth Warren, e cila premtoi të shkatërrojë Facebook, Google dhe Amazon. Nga ana tjetër, edhe Joe Biden, ish zv. President, po mendon të shpallë kandidaturën e tij.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.