Një imazh vlen sa ‘një thesar’/ Kriptomonedha shkakton “revolucion” edhe në botën e artit
Me Bitcoinin vlera e të cilit pësoi rritje me 400% gjatë vitit të kaluar dhe tregton pranë niveleve më të larta të të gjitha kohërave, është rradha e kripto-milionerëve që të zhvendosen drejt aristokracisë. Shitjet e artit dixhital janë ngritur në qiell nga 235,000 dollarë në shkurt 2020 në 63 milion dollarë këtë muaj, sipas të dhënave nga Cryptoart.io, i cili ndjek shitjet në gjashtë shtëpi ankandesh.
Ky variant i ri i artit njësoj si monedhat janë dixhitale dhe jo fizike.
Por ajo që ka bërë diferencën dhe ka ndikaur në rritjen e këtij tregu është se blerja e artit dixhital tashmë vjen me një rekord të verifikueshëm publikisht i quajtur ‘token’ ose NFT – që përshkruan pronësinë dhe vërteton një vepër përmes “blockchaineve” publike.
Në këmbim të zgjedhjes për diçka që mund ta shihni vetëm në ekran në vend që të varet në një mur, blerësi nuk ka pse të shqetësohet kurrë për çështjen e prejardhjes.
Javën e kaluar Nyan Cat, një imazh i animuar i një mace fluturuese me një shteg ylberi, u shit në ankand për 300 Ethereum, rreth 600,000 dollarë. Një koleksion punimesh nga artisti dixhital Mike Ëinkelmann, i cili punon nën nofkën “Beeple”, fitoi më shumë se 3.5 milion dollarë në dhjetor.
Për artistët dixhitalë, NFT-të më në fund i lejojnë ata që të përfitojnë nga puna e tyre duke bërë një të mirë tjetër për pronën private. Një imazh që dikur mund të shkarkohej thjesht me një klikim është kthyer në një produkt origjinal që mban emrin e zotëruesit.
Artistja dhe teknologia Drue Kataoka e sheh artin dixhital si të ardhmen. Ajo thotë se nëngjinia e artit kriptor po mbahet peng nga keqkuptimi “i qëllimshëm” i artit botëror që e cilëson këtë fushë vetëm si një risi apo një dhuratë në formë shakaje.
NFT-të kanë ekzistuar për gati një dekadë. Por vetëm muajt e fundit tregu filloi të ngrihej. Normat e ulëta të interesit, çmimet e rritura të kripto-monedhave dhe shtëpitë e ankandeve në internet të lehtë për t’u përdorur ndihmuan në krijimin e një vale blerjesh. Tani, entuziastët e botës ‘kripto’ kanë një mjet për të diversifikuar pasuritë e tyre ndërsa tregojnë një rast përdorimi të ri për teknologjinë që mbështet pasurinë e tyre të sapo zbuluar.(Burimi: Bloomberg / Përshtati: Geri Kolgega)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.