Një indian ndër më të pasurit e botës – Mukesh Ambani ngjitet në vendin e 9-të të listës së 10 më të pasurve
Njeriu më i pasur i Azisë, Mukesh Ambani është futur në listën e 10 njerëzve më të pasur të botës. Ambani është tashmë njeriu i 9-të më i pasur në botë dhe ka kaluar në renditjen prestigjioze, numrin një të Oracle, Larry Ellison si dhe francezen Francoise Bettencourt, gruan më të pasur në botë. Miliarderi indian zotëron 42% të kompanisë “Realiance industries”. Pozicionimi në tregje i kompanisë gjatë periudhës së izolimit, si dhe disa manovra investimi kanë bërë që pasuria e Ambanit të prekë tashmë shifrën e 64.5 miliardë dollarëve.
Që prej muajit Mars aksionet e konglomeratit indian janë dyfishuar në tregje në një kohë që ekonomia indiane është goditur rëndë gjatë krizës, kompanitë e Ambanit, dhe sidomos gjigandi i telekomunikacionit, Jio, janë rritur ndjeshëm, duke nxitur edhe rritjen e ndjeshme të pasurisë së tij.
Ngjitja e 63 vjeçarit indian në një kohë që india i drejtohet recesionit më të rëndë të historisë së saj, është një tregues i qartë i ndasive dhe hendekut të madh që ekziston në vend. Rreth 10% e më të pasurve të vendit në fakt zotërojnë ¾ e të gjithë pasurisë së Indisë, e ku pjesa më e madhe e kësaj pasurie qëndron në duart e 1% më të pasur.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.