Një miliard pajisje Android në rrezik të një sulmi kibernetik / Si të testoni telefonin tuaj dhe çfarë masash të merrni?!
Më shumë se një miliard pajisje Android kanë rrezik të hakohen sepse nuk janë më të mbrojtur nga sistemet e sigurisë, duke i lënë kështu të gjithë përdoruesit në të gjithë botën të ekspozuar ndaj rrezikut të vjedhjes së të dhënave. Kushdo që përdor një telefon Android, i cili është prodhuar në 2012 ose më herët duhet të jetë veçanërisht vigjilent. Të dhënat e Google sugjerojnë që 42.1% e përdoruesve Android në të gjithë botën janë në versionin 6.0 të sistemit të tij operativ ose më poshtë.
Nxjerrja e këtyre të dhënave, u raportua së dy në pesë përdorues të Android në të gjithë botën nuk po merrnin më përditësime të sigurisë. Ky raport u publikua fill pas testimit të pesë telefonave si:
- një Motorola X,
- një Samsung Galaxy A5,
- një Sony Xperia Z2, një LG / Google Nexus 5
- si dhe një Samsung Galaxy S6.
Sipas testuesve, industritë celulare duhet të bëjnë një punë më të mirë për të dhënë zgjidhje kundrejt të gjithë klientëve që kanë probleme me sigurinë tek telefonat e tyre.
Por si mund të kontrolloni nëse telefoni juaj është lehtësisht i hakueshëm dhe çfarë të bëni në një rast të tillë?
Nëse pajisja juaj Android është më shumë se dy vjet e vjetër, kontrolloni nëse mund të përditësohet një version më i ri i sistemit operativ. Nëse jeni në një version më të hershëm sesa Android 7.0 Nougat, përpiquni të përditësoni telefonin tuaj me një version më të ri.
Nëse nuk mund të arrini të realizoni një gjë të tillë, kjo tregon se telefoni juaj mund të rrezikojë të hakohet, veçanërisht nëse po operoni me një version të Android 4 ose më të hershëm. Nëse ky është rasti, ki kujdes që të shkarkoni aplikacione jashtë aplikacionit Google Play si dhe përpiquni të jeni të kujdesshëm ndaj SMS-ve ose telefonatave të dyshimta.
Krijoni kopje rezervë të të dhënave në të paktën dy vende (një hard disk dhe një shërbim cloud) si dhe instaloni një anti-virus celular përmes një aplikacioni, por mbani në mend se zgjedhja është e kufizuar për telefonat më të vjetër.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.