“Një moment i veçantë legalizimi”-Kadastra evidenton lejen që u dha në Velipojë (FOTOT)
Kadastra Shqiptare njofton se pak ditë më parë në Velipojë, gjatë shpërndarjes së lejeve të legalizimeve pati edhe një moment të veçantë.
“Në listën e legalizimeve të kryera, ishte edhe Kompleksi i Manastirit Franceskan të Velipojës, me plot 8 objekte të legalizuara: Kisha dhe kambanarja, Shtëpia e miqve, Qendra kulturore, Qendra e katekizmit, Kopshti i fëmijëve, Qendra sportive dhe Kuvendi i Motrave Franceskane, të shpërndara në një sipërfaqe rreth 15.000 m2. Ishte dhurata më e bukur që Kadastra Shqiptare mund t’i bënte këtij Komuniteti që, me prezencën e tij 8-shekullore në trojet shqiptare, ka qenë jetë e mot qendër kulture dhe qytetërimi” njofton Kadastra.
Certifikatat e legalizimit ju dorëzuan famullitarit të Velipojës, dom Marian Gega dhe motër Maria Heidelit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.