Një nga kompanitë ajrore më të mëdha në Europë drejt falimentimit. Mijëra pasagjerë dhe pilotë ngelin në “mesin e rrugës”
Kompania ajrore “Flybe” ka shkuar në falimentim pasi ka luftuar për të mbledhur fonde në mesin e një rënie të madhe të prenotimeve për shkak të koronavirusit.
Një nga linjat ajrore më të mëdha të Britanisë, “Flybe” hyri në falimentim menjëherë pas orës 3 të mëngjesit të enjten, me të gjitha fluturimet e bazuara dhe të biznesit që pushuan së tregtuari “me efekt të menjëhershëm”.
Kompania, e gjendur prej disa kohësh në telashe, kishte humbur një sasi të madhe të ardhurash në vitet e fundit, veçanërisht kur frika e coronavirusit i dërgoi rezervimet e biletave drejt greminës.
Pronarët e saj, një shoqëri investitorësh duke përfshirë dhe Virgin Atlantic, kishte kërkuar një paketë shpëtimi nga ana e qeverisë, por është lënë të kuptohej se kjo mundësi është përjashtuar nga ministrat.
Kjo është kompania ajrore e dytë me seli në Mbretërinë e Bashkuar që ka falimentuar në 4 muajt e fundit.
Flybe kishte një prezencë të madhe në aeroporte si Ekseter, Abderdin, Birmingem, Belfast dhe Sauthampton dhe transportonte rreth 9 milionë pasagjerë në vit në 170 destinacione.
Ajo bëri që sindikata e pilotëve Balpa të akuzojë qeverinë dhe pronarët e linjës ajrore për “tradhëti dhe premtime të prishura” – dhe pyetje se si do të mirëmbahen lidhjet jetike të transportit rajonal.
Sindikata GMB paralajmëroi se, përveç 2.400 personelit të Flybe, kolapsi kërcënoi 1.400 vende pune në zinxhirin e furnizimit dhe vuri në rrezik të ardhmen e aeroporteve rajonale.
Posted by Flybe on Thursday, March 5, 2020
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.