Një nga kryeqytetet më të ndotura në botë prej 1 prillit shet karburantin më të pastër
Nju Delhi, për të luftuar ndotjen e rëndë ka ndërmarrë një hap të madh politikash për të përmirësuar cilësinë e ajrit. Duke filluar nga 1 prilli, stacionet e karburantit të kryeqytetit të Indisë kanë shitur vetëm karburantin Bharat Faza VI (BS-VI), kategoria më e pastër në dispozicion në vend sot.
BS-VI është në nivel me Euro VI, standardi më i lartë i emetimit i vendosur nga Bashkimi Evropian. Normat BS janë vendosur në një nivel me normat e euros. Me këtë veprim të fundit, India ka lënë një hap nga BS-IV në BS-VI.
Në vitin 2015, qeveria indiane bëri të detyrueshme që të gjithë karburantet e shitura në vend duhet të jenë të standardit BS-VI deri në 2018. Delhi ka filluar përdorimin e karburantit më të pastër dhe pas tij pritet ta përdorin edhe qytete të tjera si Noida dhe Gurugram deri në vitin e ardhshëm.
“Në mënyrë tipike, një kalim nga karburanti BS-IV në BS-VI sjell rreth 80% zvogëlimin e grimcave për çdo kilometër të udhëtuar,” shprehet Hem Dholakia, një studiues, bashkëpunëtor në Këshillin jofitimprurës për Energjinë, Mjedisin dhe Ujin (CEEW).
Masa e Indisë është në përputhje me precedentin global. “Nëse shohim shembuj nga Los Angeles apo Evropa, pavarësisht nga një rritje në numrat e automjeteve, ndotja (nga automjetet) ka rënë aktualisht. Kjo është bërë e mundur për shkak të standardeve të rrepta, ” tha Dholakia.
Në mënyrë që automjetet të përdorin këtë karburant, duhet të vihen në dispozicion sasi të mjaftueshme të tij. Firmat e naftës në Indi kanë thënë se do të rritin prodhimin. Më tej, firmat e automjeteve do të duhet të prodhojnë më shumë automjete në përputhje me BS-VI.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.