Një person me fat dhe i pasur tani mund të blejë ‘kohë vetëm’ me Mona Lizën
Një ofertues me fat do të ketë mundësinë të njihet nga afër me “Mona Lisa” falë një ankandi të ri nga muzeu i Luvrit në Paris. Ky është një nga një numër i përvojave një herë në jetë që shkon nën çekiç si pjesë e ankandit, i cili filloi të martën.
Fituesi do të marrë pjesë në ekzaminimin vjetor të “Mona Lizës” të Leonardo da Vinçit, çka nënkupton momentin kur një nga pikturat më të famshme të botës nxirret nga vendi i saj për inspektim, sipas një njoftimi për shtyp nga shtëpia e ankandeve Christie’s.
Përvojat e tjera, të cilat do të renditen nga Christie’s dhe Hotel Drouot, përfshijnë një tur privat të muzeut me Jean-Luc Martinez, president dhe drejtor i Luvrit; një tur natën me pishtarë në muze dhe një koncert privat në Sallën Caryatids.
Marka të tilla si Cartier dhe Dior janë bashkuar me muzeun për të ofruar përvoja të kuruara si pjesë e ankandit.
Marka e stolive Cartier ka dhuruar një nga rrathët e saj Panthère de Cartier për ankand, dhe do t’i paraqitet ofertuesit fitues gjatë një vizite private në galeri. Fituesi do të merret për të parë bizhuteritë e kurorës franceze, si dhe për të vizituar seminaret e fshehta të bizhuterive të Cartier në Paris.
Punimet e artit të dhuruara nga artistë të tillë si Johan Creten, Candida Hofer dhe Eva Jospin gjithashtu do të dalin në ankand.
Në një njoftim për shtyp, organizatorët thanë se Louvre do të përdorë të ardhurat e ankandit për ta bërë muzeun “të arritshëm për të gjithë”. Planet përfshijnë Studion e Muzeut të Luvrit, një hapësirë e re që do të përqendrohet në edukimin artistik dhe kulturor.
“Kjo periudhë e pandemisë, e cila po godet së pari personat më të prekshëm në shoqëri, e bën këtë projekt edhe më të nevojshëm,” tha Martinez.
Ankandi do të përfundojë më 15 dhjetor. Ofertuesit fitues do të kenë dy vjet për të përdorur përvojat e tyre. Louvre është muzeu më i madh dhe më i popullarizuar i artit në botë, duke tërhequr rreth 10 milion vizitorë në vit.
Por, si shumë aktivitete të tjera, edhe Luvrit iu desh të mbyllte dyert për publikun për disa muaj këtë vit për shkak të pandemisë së koronavirusit. (CNN)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.