Një spital për 6 ditë – Si mundet Kina të ndërtojë kaq shpejtë ?

Qyteti kinez Wuhan është vendosur të ndërtojë një spital brenda gjashtë ditëve në mënyrë që të trajtojë pacientët që dyshohen se kanë koronavirusin.

Aktualisht janë 830 raste të konfirmuara në Kinë, 41 prej të cilëve kanë vdekur.

Spitalet në qytet janë mbipopulluar nga banorë të shqetësuar dhe farmacitë po mbarojnë të gjitha ilaçet.

Sipas mediave shtetërore, spitali i ri do të përmbajë rreth 1.000 shtretër dhe do të ketë një sipërfaqe  rreth 20 mijë metra katrorë.

Yanzhong Huang, një anëtar i moshuar për shëndetin global në Këshillin për Marrëdhëniet e Jashtme është shprehur se spitali në Pekin në vitin 2003 ishte ndërtuar brenda shtatë ditësh, kështu që ekipi i ndërtimit po përpiqet të mposhtë atë rekord.

“Ky vend autoritar mbështetet në këtë qasje mobilizimi nga lart poshtë. Ata mund të kapërcejnë natyrën burokratike dhe kufizimet financiare dhe janë në gjendje të mobilizojnë të gjitha burimet,” është shprehur ai.

Huang tha që inxhinierët do të silleshin nga i gjithë vendi në mënyrë që të përfundonin ndërtimet në kohë. Përsa i përket furnizimeve mjekësore, Wuhan ose mund të marrë furnizime nga spitalet e tjera ose mund t’i porosisë ato nga fabrikat.

Në vitin 2003, Spitali Xiaotangshan u ndërtua në Pekin për të akomoduar numrin e pacientëve që shfaqnin simptoma të Sars. Ai u ndërtua në shtatë ditë, duke thyer rekordin botëror për ndërtimin më të shpejtë të një spitali. Rreth 4,000 njerëz kanë punuar për të ndërtuar spitalin, duke punuar gjatë gjithë ditës dhe natës në mënyrë që të përmbushin afatin.

Brenda dy muajve, në këtë spital u vendos një e shtata e pacientëve me Sars në vend dhe u përshëndet si “mrekulli në historinë e mjekësisë” nga mediat e vendit. (BBC)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.