Një tjetër arritje me vaksinimin në Izrael / Mbi 50% e popullsisë marrin 2 doza të vaksinës së Covid-19
Izraeli ka administruar 2 doza të vaksinës së Covid-19 tek mbi gjysma e popullsisë, sipas ministrisë së Shëndetësisë, duke thyer rekord botëror në shpejtësinë e vaksinimit, që ka ndihmuar vendin të heqë masat e karantinës.
Shpërndarja e vaksinës së Pfizer me Biontech në Izrael nisi në muajin Dhjetor, me përshtatshmërinë që është zgjeruar tek banorët mbi moshën 16-vjeç, që përbën 69% të popullsisë prej 9.3 milionë. Të vaksinuarit shihen si tërësisht të mbrojtur 1 javë pasi kanë marrë dozën e dytë. Në një deklaratë pas rënies së qëndrueshme të rasteve të reja, Ministri i Shëndetësisë, Yuli Edelstein i bëri thirrje qytetarëve që të ndjekin udhëzimet shëndetësore, në mënyrë që koronavirusi të mos kthehet. Ai tha se 50.07% e popullsisë totale kanë marrë të dy dozat e vaksinës dhe 55.96%, dozën e parë. Izraeli i jep të vaksinuarve dhe të shëruarve me Covid-19, që janë rreth 8.7% e popullsisë, një certifikatë të quajtur “Kalimi i Gjelbër”, që mundëson akses në ambiente të ndryshme publike.
Izraeli nisi lehtësimin e masave në fund të Shkurtit dhe shumica e bizneseve, shkollave dhe aeroporteve, janë hapur gradualisht. Vendi ka regjistruar një rënie me 85% të vdekjeve ditore, një rënie me 72% të të sëmurëve rëndë dhe me 86% të rasteve ditore, që kur pandemia arriti majën e tretë në mes të Janarit.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.