Një tjetër bashkim i vaksinave – Firma kineze CanSino do të nisë provat klinike me Sputnik V
Firma kineze CanSino, do të nisë në muajin e ardhshëm provat klinike që përdorin një dozë të vaksinës ruse Sputnik V, ndjekur nga një dozë e vaksinës së vetë ndaj Covid-19. Bashkimi i dozave mund të ndihmojë në problemin e mungesave botërore të Sputnik, që ka të njejtën teknologji si produkti i kompanisë kineze, sipas Pierre Morgon, zv/presidentit të CanSino.
“Bashkimi i dozave është diçka që shumë vende kanë kërkuar, për shkak se rusët kanë pasur vështirësi në ofrimin e dozës së dytë në sasi të mjaftueshem”- tha Morgon. Ai pret që prova të nisë në Gusht apo Shtator, dhe refuzoi të ofrojë informacion se ku do zhvillohen, por tha që nuk do të jetë në Kinë apo Rusi.
Të dy vaksinat kanë teknologjinë e vektorëve viralë dhe përdorin adenovirus të padëmshëm në laborator, që bartin informacionin genetik të koronavirusit tek trupi i njeriut. Prova, që do studiojë bashkimin e dozave në mënyrë të sigurtë, si dhe aftësinë pë të nxitur reagim imunitar tek të rriturit, ka marrë pëlqimin e autoriteteve lokale. Provat klinike të bashkimit të AstraZeneca me Sputnik, janë miratuar gjithashtu në Rusi, Azerbaixhan, Emiratet e Bashkuara Arabe dhe Bjellorusi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.