Një tjetër rekord i Suedisë – 100% e suedezëve kursejnë para në fonde të investimit
Suedezët janë kampionët botëror për kursimet në fondet e ndërsjellta të investimit (Mutual funds). Nëse përfshihet edhe pjesa e privatizuar e sistemit të fondit të pensioneve të Qeverisë, 100% e punëtorëve suedezë kanë një pjesë të kursimeve në një fond me fund të hapur të investimit.
Përjashtuar këtë, norma arrin në 80%, që është sa dyfishi i kursimtarëve amerikanë. Sipas studimeve, vendimet politike që kanë subvencionuar dhe futur fondet në sistemin e pensioneve, njohuria financiare e ekonomive familjare si dhe rritja e madhe e tregut të aksioneve në vitet e fundit, kanë kthyer fondet e investimit në diçka të zakonshme. Sasia e mëdha e kursimeve mund t’i vijë në ndihmë familjeve në ditë të vështira, duke mbrojtur konsumin dhe ekonominë nga goditjet. Ekonomia e varur nga eksportet po ngadalësohet dhe Brexit ka shtuar shqetësimet.
Kursimet në fonde fillojnë që në vitet 80, kur Qeveria subvencionoi kursimet në fonde të ndërsjella, nëpërmjet programit Allemansfonder. Sipas analistëve, prezantimi i këtij programi përkoi me një rritje tejet të gjatë të tregut të kapitalit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.